2012 का भविष्य-फ़ल
हिन्दी सेक्सन
English Section
Astro-Yoga Section
Jyotish Kyaa hai
Hamaare samaaj me jyotish ko maanane ke liye pahale sabhee logon kee maanyataa thee.Lekin kuchh samay baad jaise jaise shikshaa kaa prabhaav shuru huaa log jyotish ko bhool kar shikshaa kee taraf adhik jaane lage.Kisee bhee baat kee seemaa hotee hai,jab log adhik shikshit ho gaye to unake saamane phir se samasyaa utpann hone lagee ki itanaa padh likh kar bhee koee kaam nahee miltaa hai yaa koee adhik faayadaa nahee hotaa hai to is padhaaee kaa kyaa matalab hai,kaee logon ne to apane man kee santushti ke liye apane desh ko hee chhod diyaa aur videsh jaakar kaam karane ke liye apane maanas ko banaa liyaa.Jab ve log videsh me pahunche to unhe pataa lagane lagaa ki unakee patnee aur putr aadi unase apane aap videshee jaise hee hone lage hai aur unakee koee maanyataa nahee rahee.Is kaaran se unakee jindagee aur bhee dikkat dene vaalee ho gayee unhe pataa lagane lagaa ki ham apane desh me rahakar hee koee aisaa kaam karate to unakee kam se kam samaaj me pahichaan bhee hotee aur ve apane poore parivaar ke saath rah bhee sakate the.
Jyotish ke chhar bhaag
Bharateey jyotish ke chaar bhaag hai.yahee chaar bhaag purushaarth ke roop me jaane jaate hai in chaar purushartho me Dharm Arth Kaam aur Moksh ko hee mukhy maanaa hai.Dharm ke andar kundli kaa lagan pancham aur navaa bhaav aajaataa hai jisame Navaa bhaav hamaaraa bhootakaal hotaa hai Lagan me hamaaraa Vartamaan kaal hotaa hai tathaa Pancham bhaav me hamaaraa aane vaalaa bhavishy chhupaa hotaa hai.Doosaraa purushaarth Arth kaa maanaa jaataa hai jise dhan kaa bhaag bhee kahaa jaataa hai.doosaraa bhaav to hamaare pitaa ke aur poorvajo ke dhan se maanaa jaataa hai isake andar jo dhan hamaare poorvajo ke dwaaraa diyaa jaataa hai use rakhane kee jagah hai aur vha jo hamaare saamane hotaa hai.isakaa doosaraa bhaav chhathaa bhaav hotaa hai jo bhee kaam dhandhaa karane ke baad tathaa rojaanaa kee mehanat karane ke baad hamaare dwaaraa kamaayaa jaataa hai vah chhathe bhaav se jaanaa jaataa hai isee prakaar se dasave bhaav ko bhee arth ke andar maanaa jaataa hai jo hamaare poorvajo ne kaam kiyaa unake dwaaraa kiye gaye kaam kee evaj me hame jo kaam miltaa hai vah hamaare dasave bhaav se maanaa jaataa hai. Kaam naam purushaarth bhee hamaaree kundli me teesare bhaav se saptam bhaav se aur gyaarahve bhaav se maanaa jaataa hai,moksh naam kaa purushaarth bhee hamaaree kundli me chauthe bhaav aathave bhaav aur baarhaave bhaav se maanaa jaataa hai.
Jyotish me kundli Nirmaan
Jyotish me kundli kaa nirmaan kiyaa jataa hai.kundli ko hee alag alag bhaashaao me bhee dekhaa jaataa hai isake bhaarat me teen bhaag banaaye jaate hai ek uttar bhaarat kee kundli hotee hai isake andar 8 trikon aur chaar chaturbhuj prayog me laaye jaate hai.cahturbhuj ko agar baantaa jaaye to do do roop saamane aayenge ek seedhaa tribhuj aur ek ultaa tribhuj.seedhaa tribhuj to purush roop ko prakat kartaa hai aur ultaa roop stree roop ko prakat karataa hai,isee prakar se doosaraa teesaraa paanchavaa chhathaa aathavaa navaa gyaarahavaa aur baarahavaa bhaav ek ek tribhuj se prakat kiyaa jaataa hai.Pahale bhaav kaa chaturbhuj jin bhaavo se judaa hotaa hai ve baarahave bhaav doosare bhaav chauthe bhaav dasave bhaav se pooree tarah judaa hotaa hai.Baarahavaa aur doosaraa tribhuj pooraa hokar moksh yaanee shaanti detaa hai aur chauthaa aur dasavaa chaturbhuj milakar sansaar ke kaaryon me stree purush dono bhaavo ko milaakar apanee gati pradaan karataa hai.
Jyotish me Rashiyan
Jyotish me baarah raashiyon kaa roop bataayaa gayaa hai kundli ke baaraha khaano me Mesh Vrush Mithun Kark Simh Kanya Tulaa Vrishchik Dhanu Makar Kumbh Meen ko sthaapit kiyaa jaataa hai.Isee baat ko baarah nambar se bhee likhaa jataa hai jaise mesh kaa 1 vrush kaa 2 mithun kaa teen aur kark kaa 4 simh kaa 5 kanyaa kaa 6 tulaa kaa 7 vishchik kaa 8 dhanu kaa 9 makar kaa 10 kumbh kaa 11 aur meen kaa 12 nambar likhaa jaataa hai.
Jyotish se kaun see Rashi kahaan sthaapit hotee hai.
Jab hamaara janm hotaa us samay panchang ke anusaar dekhaa jaataa hai ki us samay me kaun see raashi aasamaan me uday ho rahee hai,usee hisaab se jo raashi uday ho rahee hotee hai usee kaa naam lagan me likh diyaa jaataa hai yahee kundli kaa pahalaa bhaav kahalaataa hai.baad kee raashi ko doosare khaane me baayeen taraf likh diyaa jaataa hai isee kram se baayeen taraf raashiyon ko likh diyaa jaataa hai ant me baarahave bhaav me jo lagan ke daahinee taraf hotee hai likh diyaa jaataa hai is prakaar se kundli me baarah raashiyaa apane apane sthaan me baith jaatee hai.
Jyotish se Graho kaa sthaan kahaan aur kaise.
Hmaare Vedic jyotish ke anusaar kundli me 9 graho ko maanyataa dee gayee hai jinake andar 2 grah chhaayaa grah hai.Soory Chandr Mangal Budh Guru Shukr Shani Raahu Ketu yah 9 grah hai aur Raahu ketu 2 Chhaayaa grah hai.Jab hamaara janm hotaa hai to in graho kee panchang kee sthiti ke anusaar raashiyon me baithaa diyaa jaataa hai.
Jyotish se Janm Rashi kaise dekhee jaatee hai.
Janm samay me chandramaa kaa sthaan kis raashi raashi me hai is baat kaa pataa panchaang se lagaa liyaa jaataa hai,aur usee bhaav me raashi me chandramaa ko baithaa diyaa jaataa hai jis raashi me chandramaa sthaapit hota hai usee raashi se naam rakhaa jaataa hai.chandramaa jis nakshtr me hotaa hai us nakshtr ke paaye ke akshar ke hisaab se naam kaa chunaav kiyaa jaataa hai.
Jyotish me Nakshtra kyaa hai.
Baarah raashiyon ke 27 bhaag karane par har bhaag kaa maan 13.20' kaa banataa hai,is bhaag kaa naam nakshtro se diyaa gayaa hai in nakshtro ke naam aur unake padon kee sankhyaa is prakaar se hai :-
| S.N. | Nakshtra | 1st Pada | 2nd Pada | 3rd Pada | 4th Pada | Tara Sankhya |
| 1 | Ashwini | Choo | Che | Cho | Laa | 3 |
| 2 | Bharani | Lee | Loo | Le | lo | 3 |
| 3 | Kritika | A | EE | U | E | Anek |
| 4 | Rohini | O | Vaa | Vee | Vu | 5 |
| 5 | Mrigshira | Ve | Vo | Kaa | Kee | 4 |
| 6 | Ardra | Ku | Gh | Nga | Chh | 1 |
| 7 | Punarvasu | Ke | Ko | Haa | Daa | 3 |
| 8 | Pushy | H | He | Ho | Daa | 3 |
| 9 | Ashlesha | Dee | Doo | De | Do | 5 |
| 10 | Magha | Maa | Mee | Moo | Me | 6 |
| 11 | Poorvafalguni | Mo | Taa | Tee | Too | 4 |
| 12 | Uttarafalguni | Te | To | Paa | Pee | 4 |
| 13 | Hasta | Poo | Sha | Ana | Dha | 5 |
| 14 | Chitra | Pe | Po | Raa | Ree | 1 |
| 15 | Swati | Roo | Re | Ro | Taa | 1 |
| 16 | Vishakha | Tee | Too | Te | To | 2 |
| 17 | Anuradha | Naa | Nee | Noo | Ne | 4 |
| 18 | Jyeshtha | No | Yaa | Yi | Yoo | 3 |
| 19 | Mool | Ye | Yo | Bhaa | Bhee | 11 |
| 20 | Poorvashadha | Bhoo | Dh | Ph | Dhan | 2 |
| 21 | Uttarashadha | Bhe | Bho | Jaa | Jee | 2 |
| 22 | Shrwana | Khee | Khoo | Khe | Kho | 3 |
| 23 | Dhanishtha | Gaa | Gau | Goo | Ge | 5 |
| 24 | Shatbhisha | Go | Saa | Sau | Soo | 100 |
| 25 | Poorvabhadrapada | Se | So | Daa | Dee | 1 |
| 26 | Uttarabhadrapada | Too | Th | Jh | Yan | 1 |
| 27 | Rewati | De | Do | Chaa | Chee | 32 |
Abhijit Nkashtra ko nakshtra mandal se baahar kiyaa gayaa hai.
